Mera Wajood........main kaun hoon.....?

Papa ki beti hoon me.....

Tumhari nanhi hathon ko jab v me hathon me leta hoon

Tere sparsh me nayi jindagi ki khoshboo mahsoos karta hoon

Teri thumkati chal me meri dhadkano ko sun sakta hoon

Meri beti teri muskurahat pe saari duniya loota sakta hoon

Dost ki dosti hoon me...

Tum jab v hoti ho..mere vishwas ko bahut majboot dekhta hoon

Ladkhadate nahi he kadam mere..tere saath  jab v me  hota hoon

Jo baaten kisi se bhi bol nahi pata ..woh sab  tumhe kyun bata jata hoon

Jab bhi  tumhari madad kar paya ..tab .khood pe bada naaj karta hoon

Bhai ki behen hoon me..

Tumhare sneh me maa ki mamta mehsoos kar sakta hoon

Rakhi ke bandhan me tere atoot vishwas ko me dekh sakta hoon

Tujhe jo koi taklif de ..uske nishan ko khatam  kar sakta hoon

Behna teri khusi ke liye..apni jaan bhi dao laga sakta hoon

Bete ki Ma hoon me...

Maan saaman...mera abhiman..sab tere aanchal me mehsoos karta hoon

Tere hathon se khilaye hue niwalo me mamta ki mithaas mehsoos karta hoon

Meri pyari maa teri ummedo me   khud ko me majboot bahut dekhta  hoon

Bhagwan ki murat ho tum meri..tera ashirwaad he jo har sans leta hoon

Priyatam ki priya hoon me..

Gaj ki tarh teri jo chal he...isiliye tujhe gajgamini kehta hoon

Tere saagar si gehri nigahon me priye..me aksar doob jata hoon

Dono jahan ko jodne wali ,bahut jayda tujhse me pyar karta hoon

Pal pal kyalo me bhi saath rahne wali.. tujh pe apni jaan v krban karta hoon 

Pati ki patni hoon me..

Saat phero me saat janam ka saath nibhane wali.. tujme apna saccha dost dekhta hoon

Meri duniya ko basane wali..meri gharwali..tujhme ma ki murat ko dekhta hoon

Mere liye teri tapasaya aur wrato me..apni priyatama ko dekh sakta hoon

Mere har kadam me saath denewali ardhangni..tera har pal  samman karta hoon

Papa ki beti hoon me....haan me...ek stri  hoon
 .............................Phir kyun tumne balatkar ki gandaki ki...kya woh kisi ki beti nahi?

Bhai ki behen hoon me....haan me...ek stri hoon
..............................Phir tumne kyun banya he uss dahej ko.....kyaa uska koi bhai nahi.?

Bete ki Ma hoon me....haan me...ek stri hoon
..............................Phir kyun he vaishya ghar mere sheher me..kya woh kisi maa nahi

Pati ki patni hoon me....haan me...ek stri hoon 
..............................Phir kyun bahu jalaye jate hain....kya woh kisi ki patni nahi?

 Priyatam ki priya hoon me....haan me...ek stri hoon 
 .............................Phir kyun chid hadan bhari darbaar me he..kya woh nari ka koi roop nahi?

Dost ki dosti hoon me....haan me...ek stri hoon 
...............................Phir kyun ladki ladke ka antar he...kya woh ladki insaan nahi?